زبونك بيسأل على واتساب
والرد بيوصله فوراً
منصة بتشتغل على رقم متجرك: بترد بلهجة زباينك، بتعرض الأسعار من كتالوجك، وبتسجّل الطلب. وواتسابك بيضل بإيدك متل ما هو.
كل سعر ومقاس بهاي المحادثة مقروء من كتالوج التاجر
الفرق مش بالسرعة وبس
أغلب الاستفسارات اللي بتوصلك متكرّرة، وأغلبها بيضيع لأنه ما لقي جواب بوقته.
اليوم، بلا أونكسا
الاستفسار بيوصل بالليل، والرد الصبح. الزبون بيكون اشترى من غيرك.
بتعيد نفس الجواب عشر مرات باليوم: السعر، المقاسات، بتوصّلوا لعنا؟
السعر بينحكى من الذاكرة، وأحياناً غلط.
الطلبات بدفتر أو بالواتس، وبتضيع.
مع أونكسا
الرد بيوصل بثواني، أي وقت من اليوم.
المتكرر بينحلّ لحاله، وإنت بتتفرّغ للطلبات الجدّية.
السعر بيتقرا من كتالوجك. ما في اجتهاد.
كل طلب مسجّل بالاسم والعنوان ورقم التواصل.
عملية كاملة، مش مجموعة مزايا
- 01
الربط
بتربط رقم واتساب شغلك بكتالوج منتجاتك عبر الواجهة الرسمية من ميتا. إعداد مرة وحدة، وبنمشّيك فيه.
- 02
الفهم
لما يجي استفسار، المنصة بتحدّد شو بده الزبون بالضبط: أي منتج، أي مقاس، أي لون.
- 03
القرار
قواعد شغلك بتتطبّق بالكود قبل أي رد: السعر بيتقرا من الكتالوج، والخصم مش ضمن الصلاحيات.
- 04
التنفيذ
الرد بيوصل الزبون بلهجته، والطلب بيتسجّل بعنوانه ورقمه على لوحة تحكّمك.
ثلاث قواعد ما بتنكسر
ردود المنصة بتمر على قواعد مكتوبة بالكود قبل ما توصل الزبون. مش اجتهاد، ومش استثناءات.
السعر من الكتالوج
ما بينحكى سعر من عند المنصة أبداً. الرقم بيتقرا من كتالوجك إنت، وبس.
التوفّر محقَّق
المقاس اللي خلص ما بينعرض على الزبون أصلاً. ما في وعد بإشي مش موجود.
الخصم مش صلاحية
المنصة ما بتقدر تعطي خصم. القرارات المالية بتضل عندك إنت.
بياناتك ملكك، وبنقدر نثبتها
رسائل زباينك وبيانات طلباتك ملك التاجر، وإحنا بنعالجها نيابةً عنه فقط عشان نشغّل الخدمة. ما بنبيعها، ولا بنستعملها لإعلانات، ولا لتدريب نماذج. وبتقدر تطلب حذف بياناتك بأي وقت.
مين وراء أونكسا
أونكسا مش مشروع مجهول. وراها كيان مسجّل رسمياً بفلسطين، وشغل حقيقي بالتجارة من قبلها.
منبنيها للتجار اللي بفلسطين وبلاد الشام اللي بيبيعوا على واتساب أو عندهم موقع إلكتروني. الفكرة إجت من داخل السوق، مش من برّا.
مقرّنا جنين. وبنشتغل عليها كمنتج طويل النفس، مش كأداة موسمية.
- المشغّل
- شركة العدس اخوان للكرميكا والبورسلان
- سجل الشركات
- 562307926
- الجهة
- وزارة الاقتصاد الوطني، فلسطين
- المقر
- جنين، شارع الناصرة
- النطاق
- oynexa.com
- التواصل
- support@oynexa.com
خلينا نبني أنظمة أذكى لشغلك
احكي معنا تعرف أكتر عن الخدمة، ومنجهّز معك أول كتالوج بنفسنا.